جانئے کیسے نت نئے طریقوں سے فراڈئیے واٹس ایپ پر آپ سے فراڈ کر سکتے ھیں

میسجنگ ایپلی کیشن واٹس ایپ نے اپنے صارفین کو دھوکہ دہی سے محفوظ رہنے کے لیے ایک اہم وارننگ جاری کی ہے۔

میٹا کی ملکیت واٹس ایپ کی انتظامیہ نے صارفین کو خبردار کیا ہے کہ وہ ان جعلسازوں سے ہوشیار رہیں جو "دوست یا عزیز کی ضرورت" کے نام پر دھوکہ دینے کی کوشش کر رہے ہیں۔

غیر ملکی خبر رساں ادارے کے مطابق، واٹس ایپ کی وارننگ میں کہا گیا ہے کہ یہ دھوکہ باز آپ کو ہزاروں، لاکھوں  روپے کے مالی نقصان سے دوچار کر سکتے ہیں۔

وارننگ میں مزید بتایا گیا ہے کہ یہ دھوکہ باز کسی رشتہ دار یا دوست کی آئی ڈی ہیک کرکے ان کی طرف سے پیغامات بھیجتے ہیں تاکہ آپ سے پیسے وصول کر سکیں۔

کچھ دھوکہ باز اس طریقہ کا بھی استعمال کر سکتے ہیں کہ وہ آپ کے کسی رشتہ دار ہونے کا دعویٰ کرتے ہیں جس کا فون کھو گیا ہے۔ اب یہ دھوکے باز مصنوعی ذہانت (اے آئی) کی مدد سے آپ کے جاننے والے کی آواز کی نقل بنا کر دھوکہ دینے کی کوشش کریں گے، لہٰذا آپ کو ہوشیار رہنے کی ضرورت ہے۔

واٹس ایپ کی انتظامیہ نے کہا ہے کہ اسپام پیغامات کو رپورٹ کریں یا بھیجنے والے کو فوری بلاک کریں۔ اس کے علاوہ میسج ببل کو دیر تک دبا کر رکھیں، "رپورٹ" کا انتخاب کریں اور ملنے والی ہدایات پر عمل کریں۔

سورس۔ aaj.tv  

31 اکتوبر 2024. 

Please share and bookmark this blog to read more useful posts. Thanks. 

ranausmanlegen.blogspot.com